كتب مدير الكرة في نادي النجمة الرياضي مازن الخالد عبر صفحته على فايسبوك معلقًا على موضوع نادر مطر: كلمتين بموضوع #نادر_مطر ما بدي ناقش معه حق او لا لان هيدا موضوع طويل ومن خصوصيات النادي ويلي ما مستعدين ننشرها على مواقع التواصل.. بس ما في حدا الا وبيعرف وسمع انه نادر كان من اللاعبين المدللين عند الرئيس..وكان الوحيد يلي يقبض بين ١ و ٥ من كل شهر، والوحيد يلي الرئيس وافق على كل شروطه وقت التجديد ويلي رفع قيمة عقده للضعف تقريباً..ورغم انه هيدا التميز كان يعمل غيرة ومشاكل بين اللاعبين بس كان الرئيس يقول نادر خط احمر.. وصلنا لمرحلة صعبة بالبلد وتغيير بالدولار وصار في تأخير او خصم جزء من المعاشات بكل النوادي ..هون ما بدي ناقش اديش وكيف.. بدي قول انه عيب بعد كل السنين من العشرة يكون الحساب بس مالي ويتم نسف كل العشرة وتناسي الشعار والجمهور والاكتاف يلي حملتني وانبح صوتها تشجعني.. كلامي الى نادر الذي احب واحترم..مش هكذا يكافئ نادي النجمة وجمهور نادي النجمة..من محبتي فيك بتمنى تراجع مواقفك وتعرف حتى لو انت مقرر تطلع ..مش هيك بيطلعوا من نادي بحجم الوطن، ولازم تعرف انه مال الدني ما بعود ينفع اذا خسرت احترام هيدا الشعب يلي عشقك ، والله بيعلم انو نفس الكلام وجهته لأخي ويلي من لحمي ودمي بس قرر يترك النادي وجبرته يضحي حتى يخسر العشرة وجمهور النجمة.. حق اللاعب شي مقدس لكن (ظلم في السوية عدل في الرعية)..يسواك ما يسوى كل رفقاتك ..