نشر اللاعب الفلسطيني عمر كايد على حسابه الخاص فيسبوك التالي : 

بعد ٨ مواسم … ومع نهاية عقدي مع نادي طرابلس، صعب تكون كلمة «وداعًا» كافية لكل شي عشته بهالفريق. 

٨ مواسم بين ناشئين وشباب وفريق اول كانوا أكتر من مجرد كرة قدم؛ كانوا سنين من الذكريات، التعب، الفرح، الخسارة، الانتصارات، واللحظات اللي رح تضل محفورة بقلبي.

بدي أشكر كل شخص كان جزء من هالمسيرة، من زملائي اللاعبين، للمدربين، للإدارة،للجمهور ولكل شخص وقف حدّي وشجعني وآمن فيني.

هالفريق كان جزء كبير من مسيرتي وحياتي، ورح يضل إلو مكان خاص بقلبي مهما تغيّرت الطرق.

اليوم بترك القميص، بس ما بترك الذكريات ولا المحبة ولا العِشرة.

شكرًا على ٨ سنوات ما رح انساهم طول عمري. 

إلى اللقاء، وليس وداعًا. 

أسأل الله التوفيق في ما هو قادم