
رسالة من الدقة إلى جمهور النجمة
الى أعظم وأوفى جمهور شعب النجمة العظيم..
الفريق بعد كاس السوبر صار بلا أجانب وعدد من المحليين يلي احترفوا..
البلد طالع من حرب كونية أثرت بشكل متفاوت على الادارات والفرق، ولكن بلا شك حكمت الظروف انو نادي النجمة يكون الأكثر من دفع ثمنها..
رئيس النادي ما قصر قبل الحرب وخلال موسمين معو حقق الفريق كل الألقاب والموسم الماضي جاب ٧ اجانب بدل الأربعة..
لكل شخص ظروفو وأسهل شي كان يتذرع بالحرب ويفل وبهيدا الظرف ما في مجنون بيجي يدفع قرش..
اما شخصيا، فقد استلمت المهمة قبل اسبوعين من بداية الدوري والتحضيرات كانت تأخرت شهر عن بقية الفرق وكان التعويل ع وجود المهاجم الأجنبي وعدم احتراف اي لاعب.. خسرنا كولينز وكوراني وفي ظل وجود اصابات كتيرة، بلشنا الدوري بالموجود وبظروف صارت مستحيلة مع تزايد الاصابات والفريق معظمو من الشباب المواهب يلي بحاجة لوقت ليتأقلموا..
الكل عم يقدم فوق طاقتو والفرص عم بتضيع بالجملة.. تسع فرص صريحة بمبارتين يعني عدم توفيق وقلة خبرة وهيدا شي طبيعي..
عم نقاتل باللحم الحي وانتو ما تركتو الفريق بظروف اصعب من الوقت الحالي..
تفهموا ظروف الرئيس وظروفنا وادعموا فريقكن الشاب لانو انتو ملح اللعبة وسكرها وبدونكن ما في لعبة..
هيدا البوست اعتبرو مصارحة وبذات الوقت هوي احترام الكن انو لازم تعرفوا وضع فريقكن..
منتفهم غيرتكن وحبكن اللا محدود للفريق وهمنا نفرحكن ونقدملكن لبن العصفور وبذات الوقت تفهموا ظروف ناديكن بعد الحرب..
