نشر الرئيس التنفيذي لنادي النجمة رامي بيطار على حسابه الخاص فيسبوك التالي: 

جمهور النجمة الحبيب،

الخروج من بطولة التحدي الآسيوية وجعنا كلنا، وكنت بتمنّى نرجع ونفرحكم. بس وسط هالوجع، غمرتوني بمحبة ودعم فوق كل تصوّر، سواء بمواقفكم العلنية أو برسائلكم الخاصة. قريت كلماتكم وتأثّرت من قلبي.

شكراً لكل واحد فيكم. بوقت كنت بتمنّى فرّحكم، إنتو اللي عطيتوني القوة. كل كلمة وصلتني زادت إصراري وإحساسي بالمسؤولية تجاهكم وتجاه هالنادي الكبير.

بدي قلكم من القلب: أنا معكم ومع النجمة، بالأيام الصعبة قبل الحلوة. هالنادي أمانة، ومحبتكم وثقتكم أمانة أكبر. ووعدي لكم إنّي اعمل، مع جميع القيميين وكل الجهاز واللاعبين، ليل ونهار وبكل طاقتنا، حتى نفرح سوا ونشوف النجمة بالمكان اللي بيليق فيها وبجمهورها.

الطريق مش سهل، بس معكم العزيمة أكبر، والطموح ما تغيّر، والشغف بقلبي أقوى من أي وقت مضى. فرحتكم بتعنيني، ورح أعطي كل ما عندي كرمال شوفها بعيونكم.

النجمة بالقلب… وإنتو قلب النجمة