علّق المسؤول الإعلامي لنادي العهد يوسف يونس على مباراة اليوم عبر صفحته الشخصية :"بغض النظر عن الدفاع المبالغ فيه وغير المبرر طوال المباراة لفريق العهد، بقانون كرة القدم، الأداء ما بيعمل نتيجة، تسجيل هدف فقط هوي اللي بيحسم النتيجة. 

العهد بهيدي المباراة كان حقه يربح شو ما كان أداؤه، وما من حق الحكم يتدخّل ليعدّل النتيجة. 

عم قول الحكم تدخّل بالنتيجة لأنه الطابة ما فيها شبهة بنالتي، وهوي كان قريب، يعني حضرته قرّر انه نتيجة المباراة لازم تكون تعادل خوفًا من الجمهور، في تكرار لتجربة ال١٠٧ بالظروف نفسها. 

الحكم ما كان قد المباراة، ولكن الاتحاد اللي عيّنه كان ساذج كتير، حتى ما نقول شي تاني، لانه المفروض بيعرف انه هالحكم تحديدا ما بيتأمّن على مباراة فيها جمهور، وللاسف إدارة العهد لما وافقت على هالتعيين عرّضت نفسها لانه تُلدَغ من الجحر نفسه مرتين. 

على كل حال، بعد فيه تلات مباريات، والبطولة لا تزال داخل الملعب، ولكن لازم الفريق بهالمباريات يلعب."