هذا ما كتبه المدير "السابق" لنادي الصفاء يوسف البعلبكي على صفحته الخاصة عبر الفيسبوك : يمكن تقولوا عني جبان....يمكن تقولوا عني متخاذل، سمسار....تاجر لاعبين....شو ما بدكن بتقدروا توصفوني بس ابدا ما حدا بيقدر يقول انه انا نص عمري كان بهيدا النادي، هيدا النادي قواني وقدمني واعطاني فما كان مني الا اني أعطيه أقله من عمري...هيدا النادي انا عشت بكل زاوية فيه ،بعرف كل شبر جواته، هيدا النادي عايش جواتي والغى الكثير من تفاصيل حياتي لانها كلها كانت فيه...... هيدي المقدمة ما هي إلا إعتذار من كل جمهور الصفاء يلي كان كل همي وشغلي اسعادهم وامتاعهم وإدخال الفرحة لقلوبهم .....الله يسامح كل من أساء الي ،وأتمنى مسامحتي من كل حدا غلطت معه او أسأت إليه الصفاء مش نادي بالنسبة الي ....هو بيتي وعيلتي. صح انا فليت وتركت...بس تركت قلبي ونص عمري بكل زاوية جواته سامحونا على كل شي