نشر رئيس نادي التضامن صور صائب بواب على حسابه الخاص فيسبوك التالي : مبروك لكل مشجع للتضامن صور ، مبروك لكل لاعب وكل الجهاز الفني وكل إداري بالنادي. هالموسم كنا ومن اول الطريق على يقين انو الهدف كان بقاء التضامن صور بمصاف الدرجة الاولى ، وصارحنا انفسنا والجمهور بهالشي، ووعدنا جمهورنا انو فريقهم رح يبقى بالدرجة الاولى والحمدالله وفينا بالوعد. بما انو بقينا، والموسم انحسم امره بالنسبة النا. وعد لكل تضامني الموسم المقبل شكل التضامن صور رح يكون غير ، رح نرجع الفريق يلي بيرعب الاندية كلها ورح نكون باعلى الترتيب والهبوط باذن الله ما عاد يكون هم النا. مثل ما ساندنا النادي وقت ما نزل للدرجة الثانية وكنا جزء من الجمهور وقلنا راجعين ورجعنا، ومثل ما اصرينا انو ما رح نترك النادي باصعب اوقاته لما صرنا بالادارة واستلمت الرئاسة وما تركنا، ومثل ما وعدت الكل انو النادي ما رح يسقط وما سقط، بوعد الكل انو ما عاد نرضى الا بالافضل والمراتب الاعلى للنادي والايام بتبرهن. بتشكر كل مين آمن بالمشروع وكل مين دعم ، والشكر الاكبر لأخي اسماعيل الفران على كل ما قدمه للنادي وانشالله سوى الايام الجاي احلى. #التضامن_صور #السفير_الجنوبي_الوحيد